Fréttir

Tangohljómsveit skólans og Jóhanna Sigurðardóttir, þverflautuleikari, voru valin af valnefnd til að spila á lokatónleikunum Nótunnar sem fara fram í Reykjavík 27. mars 2010.  Einnig fengu "Bláu augun þín" hópurinn viðurkenningu fyrir flutning á samnefndu lagi Gunnars Þórðarsonar.  Hér að neðan ber að líta atriðin sem fengu viðurkenningar á uppskeruhátíðinni okkar.

Uppskeruhátið tónlistarskóla á Norður-og Austurlandi er í Ketilhúsinu, laugardaginn 13. mars kl. 14:00 og 15:30.  Þarna koma fram tónlistarnemendur úr tónlistarskólanum á Akureyri og fleiri skólum á svæðinu sem hafa verið valdir til þátttöku af sínum skólum. 

Miðvikudaginn 10.mars 2010 eru í boði einkatímar hjá þekktum tónlistarmönnum eða þeim Hauki Gröndal, Þorgrími Jónssyni, Eric Quick og Ásgeiri Ásgeirssyni.  Þeir nemendur sem hafa áhuga er bent að hafa samband við Stefán deildarstjóra í rytmískri deild.

Tónleikar til styrktar minningarsjóði um Þorgerði S. Eiríksdóttur eru í Ketilhúsinu, miðvikudaginn 10.mars 2010 kl. 20:00.

Ókeypis tónleikar og námskeið fyrir nemendur tónlistarskólans á Græna Hattinum, fimmtudaginn 4. mars kl. 17:00-18:30.  Christian Vuust og félagar ásamt Einari Má munu blanda saman tónlist og ljóðlist.  Nemendur eru hvattir til að mæta á þennnan viðburð.  

Dagur tónlistarskólanna er laugardaginn 27. febrúar.  Þá verður margt að gerast innan skólans; tónleikar í Ketilhúsi og Eymundsson, smiðjur og hljóðfærakynningar í skólanum. 

Sinfóníuhljómsveit Norðurlands og Strengjasveit Tónlistarskólans á Akureyri. Tónleikar í Akureyrarkirkju sunnudaginn 14. febrúar kl. 16:00 Á þessum tónleikum teflum við saman nýrri og gamalli tónlist.  Fluttur verður fiðlukonsert eftir Hauk Tómasson þar sem Sigrún Eðvaldsdóttir fiðluleikari leikur einleik.  Aðgangur er ókeypis fyrir nemendur Tónlistarskólans.

Tónlistarskólinn á Akureyri býður byrjendum upp á ódýrt og skemmtilegt nám á málmblásturshljóðfæri. Kennt verður á trompet, kornett,  básúnu, baritón-horn og túbu í 2-3 manna hópum og kennslan fer fram í Brekku-Gilja-og Oddeyrarskóla.

Vikuna 25.-29. janúar er foreldravika í tónlistarskólanum.  Kennsla verður óbreytt en foreldrar eru velkomnir í tíma með nemendum. 

Bóndadagstónleikar verða í Eymundsson, föstudaginn 22. janúar kl. 16:00.