Börn fyrir börn
Börn fyrir börn
Sunnudaginn 17. október kl. 14:00 fer fram menningarhátíð barna í Hofi undir yfirskriftinni Börn fyrir börn. Að hátíðinni koma
fjölmargir aðilar sem vinna að menningarstarfi barna á Eyjafjarðarsvæðinu: Tónlistarskólinn á Akureyri, Point Dance Studio
, Tónræktin, Barnakórar Akureyrarkirku, Kór Hrafnagilsskóla, Leiklistarskóli LA, ásamt fjölmörgum grunnskóla og
leikskólanemendum.
Fram koma börn sem leggja stund á hinar ýmsu listgreinar ásamt listamönnum af svæðinu og sérstökum gestum á borð við Lay Low,
Eyþór Inga Gunnlaugsson og Jönu Maríu Guðmundsdóttur. Kynnar verða Gréta Kristín Ómarsdóttir og Gísli Björgvin
Gíslason.
Fjöldasöngur leikskólabarna fer fram frá kl. 13:15
Aðgangur að hátíðinni er ókeypis, en tekið verður við frjálsum framlögum og renna þau óskipt til Hetjanna, félags
langveikra barna á Norðurlandi.
Hægt er að nálgast miða í miðasölu Hofs virka daga frá kl. 13:00-19:00.