Fréttir

Laugardaginn 22. febrúar heldur Tónlistarskólinn á Akureyri uppá Dag tónlistarskólanna. Af því tilefni efnir skólinn til hátíðar í Hofi og býður á tónleika í Hamraborg. Á þessum tónleikum verður stiklað á stóru í tónlistarsögunni í tali og tónum. Þar koma fram nemendur á öllum stigum, einir sér eða í hópum, stórum sem smáum. Tónleikarnir verða kl. 13:00 og síðan endurteknir kl. 15:00, aðgangur er ókeypis og allir velkomnir meðan húsrúm leyfir. Bestu kveðjur, Magna

Næsta laugardag heldur Sunna Friðjónsdóttir framhaldsprófstónleikana sína á þverflautu. Sunna byrjaði 6 ára gömul í forskólanum í Tónlistarskóla Hafnarfjarðar, hóf síðan píanónám 7 ára hjá Bjargeyju Ingólfsdóttur. Ári síðar flutti Sunna til Akureyrar. Hún hélt þá áfram á píanó hjá Dýrleifu Bjarnadóttur og hóf flautunám hjá Petreu Óskarsdóttur í Tónlistarskólanum á Akureyri. Samhliða tímunum á Akureyri hefur Sunna sótt einkatíma til Áshildar Haraldsdóttur og fleirra.

Hádegistónleikaröð Tónlistarfélags Akureyrar, Föstudagsfreistingar er löngum orðin þekkt meðal Akureyringa. Að þessu sinni kemur fram ungverski píanóleikarinn Zoltan Rostas. Hann mun flytja eina þekktustu píanósónötu allra tíma, Sónötu í f-moll Op.57 \"Appassionata\" eftir L.v. Beethoven. Menningarhúsið Hof kl. 12:00-12:45

Um áramótin eru laus til umsóknar nokkur pláss í djass og dægurlagasöng. Inntökupróf verða 6. janúar kl. 18:00

Í vikunni voru haldnir fjölmennir hljómsveitatónleikar í Hamraborg. Þar komu fram blásara- og strengjasveitir skólans ásamt kór sem skipaður var nemendum úr forskóla og tónæði. Efnisskráin var fjölbreytt og lauk tónleikunum á því að allur hópurinn flutti tvö jólalög í útsetningu Alberto Carmona. Sjá má upptöku frá tónleikunum á facebook síðu skólans.

FRÉTTATILKYNNING – Tónlistarhátíðin Bergmál 2013 HVAÐ? Tónlistarhátíðin Bergmál HVAR? Í Bergi menningarhúsi á Dalvík HVENÆR? Föstudaginn 6. des. kl. 21:00 og laugardaginn 7.des. kl. 20:00 SÉRSTAKIR GESTIR: Ragnheiður Gröndal og Hallveig Rúnarsdóttir, sópran. HEIMASÍÐA: www.bergmal.com NÁNAR Í SÍMA: 696-5298 (Hafdís)

Tónatak- Rytmiska deildin við TA setur upp Söngleikinn The Commitments í Hamraborg - Hofi miðvikudaginn 4. desember kl. 20:00. Sagan The Commitments var skrifuð af Roddy Doyle og gefin út árið 1987. Hún fjallar um atvinnulaust ungt fólk í Dublin á Írlandi. Þau stofna hljómsveit sem spilar soul-tónlist. Sagan var síðan kvikmynduð fjórum árum síðar og hlaut miklar vinsældir víða um heim.

SN - HNOTUBRJÓTURINN Sinfóníuhljómsveit Norðurlands og Point Dansstúdíó sameina krafta sína og setja upp hið sígilda verk Hnotubrjótinn. Um sérlega metnaðarfullt samstarf er að ræða en hin nýju húsakynni SN gera hljómsveitinni kleift að setja upp danssýningu af þessu tagi í fyrsta sinn. Hnotubrjóturinn er sígilt dansverk sem sett er upp víða um heim á hverjum jólum. Tónlistin er eftir Pjotr Tjækovskí (1840-1893) en Hnotubrjóturinn var með hans síðustu verkum.

Dagurinn 8. nóvember er helgaður baráttunni gegn einelti í samfélaginu og skv. upplýsingum frá mennta- og menningarmálaráðuneytinu munu klukkur, bjöllur og skipsflautur óma í 7 mínútur um allt land frá kl. 13.00 - 13.07 í þeim tilgangi að vekja athygli á þjóðarsáttmála gegn einelti sem undirritaður var í Höfða árið 2011.

HYMNODIA – FJÖLBRAGÐASÝNING Fjölbragðasýning er orð sem kannski lýsir best þessu nýjasta verkefni Hymnodiu. Kórinn hefur viðað að sér alls kyns tónlist frá ýmsum löndum og ýmsum tímum og af ýmsum stefnum en líka hljóðfærum af ólíkum toga.