Fréttir

Michael Clarke með viðurkenningu skólanefndar fyrir framúrskarandi ævistarf. Til hamingju Mikki!

Lilja Hallgrímsdóttir, sem starfaði í áratugi við skólann, lést 4. maí eftir erfið veikindi og verður borin til grafar miðvikudaginn 14. maí. Lilja kenndi yngstu börnunum í forskóla og tónfræðigreinum og lagði grunninn og kveikti áhuga nemenda sinna á tónlist. Margir þeirra starfa í dag við tónlist.

Hér eru tvær sætar stelpur með kennaranum sínum Lidiu, hún Hrafnhildur Davíðsdóttir og Ásta Ögn Ákadóttir sem voru að útskrifast í apríl úr Suzuki píanóbók 2. Til hamingju með árangurinn!

Dagana 9.-11 maí verður flautumót í Tónlistarskóla Eyjafjarðar. Tónlistarskólinn fær þá heimsókn frá Tónskóla Sigursveins, flautukór skipaðan nemendum á unglingsaldri undir stjórn Maríu Cederborg. Þátttakendur verða auk nemenda ú Tónskóla Sigursveins nemendur frá TE og TA. Æft verður saman og blásið til tónleika í Laugarborg laugardaginn 10. maí kl 16:00. Allir eru velkomnir á tónleikana og aðgangur ókeypis.

Laugardaginn 3. maí kl. 13:00 heldur Hulda Hrönn Ingadóttir mezzosópran framhaldsprófstónleika í Hömrum. Á efnisskránni eru íslensk og erlend sönglög og aríur.

Föstudaginn 2. maí kl. 20:00 heldur Arnar Árnason tenór framhaldsprófstónleika í Hömrum í Hofi. Arnar hefur stundað söngnám hjá Michael Jón Clarke undanfarin ár. Á efnisskránni eru íslensk og erlend sönglög og aríur.

Föstudaginn 2. maí kl. 18:00 heldur Giorgio Baruchello tenór framhaldsprófstónleika í Hömrum kl. 18:00. Giorgio hefur lært söng hjá Michael Jón Clarke undanfarin ár. Á efnisskránni eru íslensk og erlend sönglög og aríur.

Jóhanna Sigurðardóttir heldur framhaldsprófstónleika laugardaginn 3. maí kl. 15:00 í Hömrum. Jóhanna hóf nám við Tónlistarskólann á Akureyri 7 ára gömul á blokkflautu hjá Dagbjörtu Ingólfsdóttur.

Laugardaginn 26. apríl 2014 kl. 14:00 heldur Rannveig Elíasdóttir framhaldsprófstónleika í Hömrum. Á efnisskránni eru íslensk og erlend sönglög og aríur. Meðleikarar eru Daníel Þorsteinsson á píanó og Hjörleifur Örn Jónsson á víbrafón. Allir hjartanlega velkomnir og aðgangur er ókeypis.

Sinfóníuhljómsveit Norðurlands ásamt 250 nemendum TA flytur pönk í fyrsta sinn á á 20 ára ferli sínum á sumardaginn fyrsta 24. apríl kl. 16:00 í Hofi með Evróvisjónfarana Pollapönk í fararbroddi. Undirbúningur stendur sem hæst og mikið fjör og gleði einkennir allan undirbúninginn í sannkölluðum anda Pollapönks. Á tónleikunum verða vinsælustu lög Pollapönks flutt og að sjálfssögðu Evróvisjónlagið sjálft. Það er uppselt á tónleikana.