Fréttir

Óperublót Tónlistarskólans á Akureyri verður haldið miðvikudaginn 28. maí kl. 20:00 í Hofi. Leikstjóri og höfundur sýningarinnar er Ívar Helgason og um tónlistarstjórn sér Daníel Þorsteinsson.

Þriðjudaginn 27. maí kl. 17:00 heldur Ingunn Pálsdóttir sópran tónleika í Hömrum. Ingunn hefur lært söng hjá Michael Clarke undanfarin ár. Á efnisskránni eru íslensk og erlend sönglög og aríur.

Föstudaginn 23. maí kl. 18:00 heldur Stip Bos bass-bartón framhaldsprófstónleika í Hömrum. Á efnisskránni eru íslensk og erlend sönglög og aríur. Meðleikari er Daníel Þorsteinsson.

Tónfundur harmonikkunemenda verður haldinn þann 19.05.2014 kl.19:30 í Dynheimum. Með sumarkveðju. Vaclav

Vortónleikar Rytmísku söngdeildar verður Mánudaginn 19. maí kl. 17:00 í Hömrum Meðleikari er Risto Laur Allir hjartanlega velkomnir

Laugardaginn 17. maí kl. 14:00 heldur Berglind Lilja Björnsdóttir píanóleikari framhaldsprófstónleika í Hömrum í Hofi. Berglind hefur stundað nám hjá Þórarni Stefánssyni s.l. 3 ár.

Michael Clarke með viðurkenningu skólanefndar fyrir framúrskarandi ævistarf. Til hamingju Mikki!

Lilja Hallgrímsdóttir, sem starfaði í áratugi við skólann, lést 4. maí eftir erfið veikindi og verður borin til grafar miðvikudaginn 14. maí. Lilja kenndi yngstu börnunum í forskóla og tónfræðigreinum og lagði grunninn og kveikti áhuga nemenda sinna á tónlist. Margir þeirra starfa í dag við tónlist.

Hér eru tvær sætar stelpur með kennaranum sínum Lidiu, hún Hrafnhildur Davíðsdóttir og Ásta Ögn Ákadóttir sem voru að útskrifast í apríl úr Suzuki píanóbók 2. Til hamingju með árangurinn!

Dagana 9.-11 maí verður flautumót í Tónlistarskóla Eyjafjarðar. Tónlistarskólinn fær þá heimsókn frá Tónskóla Sigursveins, flautukór skipaðan nemendum á unglingsaldri undir stjórn Maríu Cederborg. Þátttakendur verða auk nemenda ú Tónskóla Sigursveins nemendur frá TE og TA. Æft verður saman og blásið til tónleika í Laugarborg laugardaginn 10. maí kl 16:00. Allir eru velkomnir á tónleikana og aðgangur ókeypis.