Fréttir

Sameiginlegur aðalfundur foreldrafélags Suzuki deildar og strengjasveita TónAk verður haldinn mánudagskvöldið 15. febrúar kl. 20 í Hofi í Höfða sem er á 3ju hæð í Hofi. Gert er ráð fyrir að fundinum ljúki eigi síðar en kl. 21:30 Á fundinum verða venjuleg aðalfundarstörf. Ræða þarf sérstaklega um fyrirhugaða ferð nemenda á afmælishátíð og tónleika Suzuki á Íslandi, sem fram fer um miðjan mars í Hörpu. (Suzuki deild) Heimsókn stúlknakórs frá Hamborg um hvítasunnu, kórinn mun halda tónleika með strengjasveit (Strengjadeild) Utanlandsferð strengjadeildar sem til stendur að farin verði á næsta ári Strengjasveitamót á Egilsstöðum næsta haust. Auk þessa gefst foreldrum gott tækifæri til að hittast og skiptast á skoðunum um skólann, námið og foreldrafélagið

Völuspá, Frans Lizt og Sibelius á tónleikum Sinfóníuhljómsveitar Norðurlands þann 14. febrúar 2016. Sinfóníuhljómsveit Norðurlands, Valgerður Guðnadóttir, Hymnodia og Kammerkór Norðurlands frumflytja VÖLUSPÁ.

Píla Pína Ævíntýri með söngvum eftir Kristján frá Djúpalæk með lögum Heiðdísar Norðfjörð, þekkja margir. Tónlist Heiðdísar og Ragnhildar Gísladóttur, við ljóð Kristjáns um Pílu Pínu, hefur flutt heilar kynslóðir á ævintýraslóðir. Það er föngulegur hópur leikara, söngvara, hljóðfæraleikara og brúða sem skapar heim Pílu Pínu, litlu hagamúsarinnar sem breytti heiminum. Tónlistin úr Pílu Pínu liggur nærri hjartarótum heillar kynslóðar af Íslendingum og fá áhorfendur loks tækifæri til að heyra hana með lifandi undirleik klassískrar hljómsveitar í Hamraborg. Þessa má geta að þónokkuð margir kennarar við Tónlistarskóla Akureyrar eru þáttakendur í sýningunni.

Undirbúningur Nótunnar - uppskeruhátíð tónlistarskóla er komin á fullt skrið. Þátttaka í ár er mjög góð. Fulltrúar í svæðisstjórnum út um land vinna ötullega við skipulag svæðistónleikanna í sínu héraði. Hér er facebooksíða Nótunar og allar nánari upplýsingar https://www.facebook.com/Notan2012/

Um þessar mundir eru 70 ár síðan að Tónlistarskólinn á Akureyri hóf starfsemi. Á afmælisárinu fáum við til liðs við okkur akureyrsku hljómsveitina 200.000 Naglbíta. Þeir Villi, Kári og Benni munu ásamt tæplega 400 tónlistarnemum flytja klassísk naglbítalög og margt fleira skemmtilegt. Tónleikarnir fara fram í Hamraborg þann 20. febrúar kl. 14:00

Soffía Vagnsdóttir fræðslustjóri Akureyrarbæjar kom í heimsókn til okkar í tónlistarskólann og færði skólanum tvö málverk að gjöf eftir Kristinn G. Jóhannsson í tilefni af 70 ára afmæli skólans. Málverkinn heita Tregastrengur og Haustlyng Við hér í tónlistarskólanum þökkum kærlega fyrir okkur.

Í tilefni af 70 ára afmæli Tónlistarskólans á Akureyri voru haldnir afmælistónleikar í gær 20. Janúar í Hömrum. Ánægjulegt er hversu margir sáu sér fært að mæta og var fullt út úr dyrum. Tónleikarnir voru fjölbreyttir og sýndi breidd skólans, en fram komu kennarar, nemendur og fyrrverandi nemendur sem stóðu sig með prýði.

Í tilefni af 70 ára afmæli Tónlistarskólans á Akureyri er þér boðið á hátíðartónleika miðvikudaginn 20. janúar 2016 í Hömrum, Hofi. Tónleikarnir hefjast kl 20. Fram koma kennarar, nemendur og fyrrverandi nemendur skólans og flytja fjölbreytta efnisskrá. Boðið verður upp á afmælisköku að tónleikum loknum.

Vikan 11.-15. janúar 2015 er foreldravika í Tónlistarskólanum. Er þetta gert til að stuðla að betri samskiptum og samvinnu við heimili nemenda og veita foreldrum/forraàðamönnum meiri innsýn í tónlistarnám barna sinna. Það hefur sýnt sig að árangur verður meiri þar sem nemendur fá stuðning heima fyrir.

Gleðilegt nýtt ár og takk fyrir það gamla. Kennsla hefst eftir stundarskrá í dag 4. janúar. Nú á skólinn afmælisár og mun þetta ár verða tileinkað því og höldum við upp á það með mörgum litlum viðburðum. Verið hjartanlega velkomin aftur.