Fréttir

Miðvikudaginn 16. maí verða tvennir vortónleikar með blandaðri efnisskrá, kl. 17:00 og 18:00.

Á uppstigningardag, fimmtudaginn 17. maí kl. 13:00 heldur Gunnar Atli Eggertsson píanóleikari framhaldsprófstónleika í Hömrum.

Þorvaldur Örn Davíðsson píanóleikari heldur framhaldsprófstónleika sína kl 15 fimmtudaginn 17. maí, uppstigningardag, í Hömrum.

Fimmtudaginn 10. maí kl. 17:00 verða útskriftatónleikar Suzukinemenda haldnir í Dynheimum í Hofi. Alls koma fram 11 nemendur sem leika á fiðlu, víólu og píanó. Allir velkomnir.

Landsmót samtaka íslenskra skólalúðrasveita var haldið nú um helgina á Akureyri og lauk með tónleikum í KA heimilinu á sunnudag þar sem fram komu alls 6 sveitir.

Vortónleikar gítarnemenda verða haldnir þriðjudaginn 8. maí kl 17 í Hömrum. Fram koma nemendur af öllum stigum og eru allir hjartanlega velkomnir.

Vortónleikar blásaradeildar verða haldnir mánudaginn 7. maí kl 17:30 í Hömrum. Flutt verður fjölbreytt efnisskrá og eru allir hjartanlega velkomnir.

Lillý Rebekka Steingrímsdóttir þverflautuleikari heldur framhaldsprófstónleika sína í Hömrum á sumardaginn fyrsta sem að þessu sinni ber upp á fimmtudaginn 19. apríl. Tónleikarnir verða í Hömrum og hefjast kl 13.

Lokahátíð Nótunnar fór fram í Hörpu þann 18. mars síðastliðinn. Fimm tónlistaratriði kepptu fyrir hönd Tónlistarskólans á Akureyri og stóðu allir sig með mikilli prýði. Alexander Smári Edelstein píanónemandi hlaut verðlaun fyrir einleik í miðstigi en hann lék Preludiu í c eftir J.S. Bach.

Tvennir tónleikar eru framundan hjá nemendum í klassískum söng. Söngtónleikar ársprófsnemenda eru í dag mánudaginn 19. mars kl. 18:00. Á morgun 20. mars kl. 17:30 koma fram nemendur söngdeildarinnar sem eru að fara í áfangapróf. Tónleikarnir verða í Hömrum og eru allir velkomnir.