Eyjafjörður er fagur

Eyjafjörður er fagur,

Eyjafjörður er fagur,
lokkar fjöllin til sín.
Gróðri vafinn er bærinn,
aldrei vellíðan dvín.
Okkur minnir á perlu
sem hér merlar og skín.
Milli heiðar og Súlna,
þar er heimabyggð mín.

Hér er Pollurinn logntær
prúðum vordegi á,
en á óveðursstundum
býsna úfinn að sjá.
Og í aftöku frostum
ísilagður er þá,
svo á ganghröðum skautum
þarna gamna sér má.

Gamli bærinn í Fjöru
neðan brekkunnar er,
efra garðurinn græni,
glóir blómknappur hver.
Sér í Kaldbak í norðri,
hvíta kórónu ber.
Milli algrænna sveita
hérna uni ég mér.