Skólasetning Tónlistarskólans á Akureyri gekk vel en mættu um 600 manns á tónleika kennara og skólasetningu. Þröng var á þingi  á þriðju hæðinni þegar foreldrar og nemendur hittu kennara sína til þess að raða niður tímum fyrir veturinn en ekki hafði verið búist við svona miklum fjölda á athöfnina en að sögn formanns Félags tónlistarskennara Sigrúnar Grendal er slíkur fjöldi á skólasetningu íslandsmet.  Tónleikarnir vöktu þó mikla lukku meðal viðstaddra og fengu nemendur að berja nýja kennara skólans augum en píanóleikarinn Risto Laur frá Eystlandi og Kontrabassa-/Gítarleikarinn Martin Klein frá Berlín voru kynntir nemendum og foreldrum í fyrsta sinn.  Þriðji nýliðinni í kennaraliðinu, slagverksleikarinn Rodrigo Lopez mun hefja störf við skólann í næstu viku en Rodrigo hefur tafist af óviðráðanlegum orsökum í heimalandi sínu Brasilíu.  Rodrigo mun starfa við sérstakan Samba skóla innan tónlistarskólans og vinna að því að undirbúa skrúðgöngur á 17. júní og sjómannadaginn næsta sumar í karneval stíl.