Ákveðið hefur verið að halda tónsmíðakeppni í skólanum í vetur og er öllum nemendum Tónlistarskólans heimil þátttaka.

Keppnin fer fram í 2 flokkum, 13. ára og yngri og 14. ára og eldri.

Tónsmíðin skal ekki vera lengri en 3 mínútur og má vera í hvaða stíltegund sem er, með eða án söngs. 

Vinna má verkið á nótum, eða leika það sjálfur og taka það upp á upptökutæki, ellegar vinna verkið í  tölvuforriti eftir því sem hentar.

Tónsmíðinni skal skilað á nótum eða á diski og skal merkja nóturnar eða diskinn með dulnefni og nafni tónsmíðarinnar. Senda síðan í umslagi til Tónlistarskólans á Akureyri, merkt þannig:

Tónlistarskólinn á Akureyri, Tónsmíðakeppni

13 ára og yngri/ 14 ára og eldri (Velja annaðhvort)

Hvannavöllum 14,

600 Akureyri

Í umslaginu skal vera annað minna umslag sem inniheldur rétt nafn höfundar og símanúmer hans.

Þessi umslög má fá merkt og tilbúin á skrifstofu skólans.

Þriggja manna dómnefnd velur bestu verkin og gefin verða verðlaun fyrir 3 sem hún telur frambærilegust. Stefnt er að því að þau leikin á tónleikum á vegum skólans á vorönn 2010.

Skilafrestur er til 8. jan. 2010