Tónleikar til styrktar minningarsjóði um Þorgerði S. Eiríksdóttur verða tvennir í ár. Miðvikudaginn 16. mars eru tónleikar kl.18:00 og þar munu nemendur í miðnámi koma fram. Fimmtudaginn 17. mars eru tónleikar kl. 20:00 og þar munu nemendur í framhaldsnámi koma fram og m.a. þeir 6 nemendur sem ljúka framhaldsprófi í vor. Þorgerður lauk burtfararprófi frá Tónlistarskólanum á Akureyri og var nýkomin til London í framhaldsnám er hún lést af slysförum í febrúar 1972. Ári síðar stofnuðu aðstandendur Þorgerðar ásamt Tónlistarskólanum og Tónlistarfélagi Akureyrar minningarsjóð, til að styrkja efnilega nemendur frá Tónlistarskólanum á Akureyri til framhaldsnáms. Eru tónleikar helsti vettvangur til að styrkja sjóðinn, auk þess sem sjóðurinn hefur tekjur af sölu minningarkorta.