Nokkrir strengjanemendur úr Tónlistarskólanum voru á hljómsveitarnámskeiði á vegum Sinfóníuhljómsveitar Íslands fyrir lengra komna tónlistarnema.  
Námskeiðið stóð yfir dagana 12. - 26. september og lauk með tónleikum í Háskólabíói laugardaginn 26. september.
 
Stjórnandi á námskeiðinu var Rumon Gamba, aðalhljómsveitarstjóri SÍ, en jafnframt voru leiðarar úr Sinfóníuhljómsveit Íslands  sem stýrðu raddæfingum.
 
Námskeiðið var nemendum að kostnaðarlausu. Með því vill Sinfóníuhljómsveit Íslands
kynnast ungum tónlistariðkendum og veita þeim tækifæri til að:
 
- spila í stórri nemendahljómsveit  með aðalhljómsveitarstjóra Sinfóníuhljómsveitar Íslands
 
- kynnast atvinnufólki í hljómsveitarleik í klassíska geiranum
 
- kynnast hinni mögnuðu sinfóníu nr. 5 eftir Shostakovich
 
- kynnast starfsumhverfi atvinnusinfóníuhljómsveitar á Íslandi