Laugardaginn 26. október fékk klassíska söngdeildin góða heimsókn. Helga Rós Indriðadóttir sópransöngkona starfaði um árabil við óperuhúsið í Stuttgart og kennir nú söng í Skagafirði. Hún miðlaði reynslu sinni til nemenda deildarinnar og leiðbeindi þeim með verkefni sem þau eru að vinna. Öll fóru endurnærð heim eftir góðan masterklass, full eldmóðs og spennt að takast á við næstu verkefni.

Á þriðjudaginn í næstu viku, 5. nóvember, kl. 17:30 heldur klassíska söngdeildin miðannartónleika haustannar í Hömrum þar sem allir eru velkomnir að koma og hlíða á afrakstur það sem af er vetrar.